6 ابريل المنيا تستنكر أحداث العنف بالمقطم وتوجه رسالة للطرفين

كاميرا: مصطفى خاطر (صورة أرشيفية)

كاميرا: مصطفى خاطر (صورة أرشيفية)

المنيا: مصطفى خاطر

أصدرت مساء أمس حركة شباب 6 ابريل بالمنيا، بياناً استنكرت فيه الأحداث الدامية التي جرت أمس أمام مقر جماعة الإخوان المسلمين بالمقطم، ووجهت الحركة في بيانها رسالة لكل طرف.

 

وجاء بالكلمة الأولي للحركة “الثورة مش طوب ولا مولوتوف ولا حرق مقرات، ومطالبتنا بالحق مش إننا ناخده بدراعنا وإلا تبقى غابة (لو كنت إخوان هيعجبك الكلام دا أوى وهتقول علينا أحسن ناس، ولو مش إخوان هتقول علينا عملا وخونة وقبضنا من الإخوان أو إخوان متنكرين)”.

 

وجاءت الكلمة الثانية في البيان ” للإخوان.. انتو اللي ابتديتوا بالعنف والبلطجة ونزلتوا تموتوا الناس عند الاتحادية.. انتو اللي بتعتبروا أي حد مش إخوان كافر دمه حلال وعرضه حلال.. انتو ورئيسكم وفشلكم ومدى جهلكم وعجزكم هو السبب في كل اللي بيحصل، (لو انت إخوان هتشتمنا وتقول علينا خونة وعملا وبنخرب البلد وأعداء للدين، ولو انت مش إخوان هتسقفلنا وتقول علينا أحسن ناس”.

 

واختتمت الحركة بيانها بـ “نقطة مهمة.. الحياة مش أبيض وأسود ومن ليس معي فهو ضدي.. مش معنى إنك تقول إن الطرفين غلط في موقف معين انك على الحياد.. إحنا مش على الحياد لأننا مصريين ولينا مصلحة في البلد دي وعاوزينها تبقى أحسن بلد”.

 

You must be logged in to post a comment Login