مسامح

محمد صلاح

محمد صلاح

 

بقلم: محمد صلاح (المنيا)

فيه جملة حلوة أوي قالها الجخ تنفع ف كل حاجة ف حياتنا .. ينفع تحطها ف نُص أي أغنية او قصيدة و تبقا حلوة و ماشية .. كان بيقول :

حتى اسألوا نانا

اللي اسمها ؟؟؟؟؟؟؟؟؟ نانا

يا دوب زعلنا يومين .. و اهي دنيا لاهيانا

 

تخيَّل مثلا معايا الست و هي بتقول :

العيب فيكم .. يا ف حبايبكم

أما الحب يا روحي عليه .. يا روحي عليه

حتى اسألوا نانا

اللي اسمها ؟؟؟؟؟؟؟؟؟ نانا

يا دوب عشقنا يومين .. و اهي دنيا لاهيانا

 

أو مثلا أمل دنقل يقوللك إيه :

 

و قبّلوا زوجاتكم .. هنا .. على قارعة الطريق

فسوف تنتهون ها هنا .. غدا

فالانحناء مرّ ..

حتى اسألوا نانا

اللي اسمها ؟؟؟؟؟؟؟؟؟ نانا

يا دوب انحنينا يومين .. و اهي دنيا لاهيانا

 

حتى عمرو دياب مثلا ..

يقوللك :

كلهم بيقولوا كده ف الأول ..

و الكلام الحلو بيتحوِّل

حتى إسألوا نانا ..

اللي اسمها ؟؟؟؟؟؟؟ نانا

يا دوب رشقنا يومين .. و اهي دنيا لاهيانا

 

مثلا ف البيت تقعد مع ابوك و امك

يقولولك يبني قوم من ع الهباب ده و اعمل حاجة تنفعك

تقوللهم .. هينفعني ان شاء الله

حتى اسألوا نانا

اللي اسمها ؟؟؟؟؟؟؟؟؟ ( ما تقولهاش انت بقا .. سيبهم يقولوها )

يا دوب اشتغلنا يومين .. و اهي دنيا لاهيانا

 

– تاكل ايه يبني النهرده ؟

= مش فارقة يا ماما .. اي حاجة

حتى اسألي نانا

اللي اسمها ؟؟؟؟؟؟؟؟؟ ( هتكون حفظتها بقا م المرة اللي فاتت )

يا دوب أكلنا يومين .. و اهي دنيا لاهيانا

 

اصحابك مثلا

– هنروح فين النهرده يبني ؟

= هنقعد ع القهوة زي كل يوم يا جدعان

حتى اسألوا نانا

اللي اسمها ؟؟؟؟؟؟؟؟؟ ( هيقولوا هم نانا )

يا دوب عشرة دومنا .. و اهي دنيا لاهيانا

 

طبعاً انت ممكن تجدد بقا و تستخدم مثلا سوسو أو توتو أو فوفو بدل نانا .. انت و السنس بتاعك ساعتها .. المهم الجملة هتفيدك و الله .. حتى إسألوا نانا .. اللي اسمها ؟؟؟ ( ها ؟ قوول ) .. يا دوب جربِّتها يومين .. واهي دنيا لاهيانا

 

One Response to مسامح

  1. شركة المنار 12:03 صباحًا, 20 يونيو, 2015 at 12:03 صباحًا

    مشكوووووووووووووووووووووور

You must be logged in to post a comment Login