‘‘كورس لينكس’’ مجاني لشباب أسوان من ‘‘صعيدي جيكس’’

كورس لينكس من صعيدي جيكس

كورس لينكس من صعيدي جيكس

المندرة: رحاب عبد النعيم

تقدم منصة ‘‘صعيدي جيكس’’ لرواد الأعمال والتقنيين، بالتعاون مع (Open I.T)، فرصة لكل شباب وبنات أسوان المهتمين بالحصول على العلم والمعرفة، وهي (كورس لينكس) مجانا، لنشر فلسفة البرمجيات مفتوحة المصدر.

 

توجه المنصة هذه الدورة التدريبية لفئات معينة كما قالوا ‘‘مش للناس اللي عايزة شهادات قد ما هو للناس اللي عايزة العلم والخبرة’’، وهي دورة غير محددة المنهج أو الأدوات، وليس بها مُدرب محدد.

 

ويقول محمود أحمد، مؤسس ‘‘صعيدي جيكس’’ عن الكورس ‘‘مش هحط ترابيزة ولاب الانستركتور، هافتح لابي وأقعد ع الأرض زيكو وكل واحد فينا هايطلع يعبر عن نفسه سواء على البورد لو عايز يشرحلنا حاجة أو على اللاب اللي متوصل بالداتا شو، لما حد يسألنى على حاجة مش هاجاوب بس هاقوده للإجابة ومنها إلى معلومات جديدة عليه تماما’’.

 

‘‘الكورس’’ يُمكّنك من إنجاز أي مهمة أو ‘‘سرفر’’ حتى إذا كنت لا تعرفه من قبل، فستتمكن من إتمامه في وقت قصير، وتكون جاهزًا بعد ذلك للبدء فس عملية تراكم الخبرات والمعرفة.

 

ووصف محمود الدورة التدريبية قائلا ‘‘كأني جايب 15 واحد عشان أدربهم يشتغلوا في التيم بتاعي في شركة مثلا، فـ كله بيشتغل على جهازه وكله بيشرح وكله بيسأل وكله بيفكر بصوت عالي’’.

 

التدريب في الدورة يتم بشكل غير مباشر على إعادة النظر في العادات والتقاليد العقيمة، والتفكير والتحليل والبحث عن المعلومات، والصبر والتحدي، وتغيير المفاهيم المغلوطة عن التعليم وغيره من الأشياء التي تتخلل يومنا العادي.

 

‘‘صعيدي جيكس’’ مبادرة نظمت العديد من الورش والدورات التدريبية من قبل، مثل ورشة مبادئ البرمجة وورشة الهندسة الصوتية وورشة الشبكات الاجتماعية وغيرها.

 

للحجز في الدورة التدريبية والمزيد من المعلومات، من هنا.

You must be logged in to post a comment Login